На 28.10.2024 година во Владата на рсМ се одржа тркалезна маса и презентација на препораките за политиките околу втемелување на семејниот пристап при осмислување и спроведување услуги на грижа и нега. На настанот учествуваше и министерот за социјална политика, демографија и млади, ФАтмир Лимани.
Претставник на Мобилност Македонија на овој настан беше секретарот Гораст Велковски.
На 24.10.2024 година во Скопје, канцеларијата на ОН во Македонија го одбележа денот на Повелбата на Обединетите Нации која стапила во сила во 1945 година, а од 1971 година 24 Октомври се чествува и е познат како UN DAY.
На настанот како претставник од Мобилност Македонија присуствуваше секретарот Гораст Велковски.
Насловот на одбележувањето на настанот беше „79 години заедничка посветеност за помирен, праведен и поодржлив свет за сите“. Настанот се одржа во Школка во Градски парк во Скопје, а целта на настанот беше да се подигне свеста за итната потреба од поголема одржливост преку практични и едноставни акции кои можат да инспирираат и други. Мотото беше глобалното движење за подобар и поодржлив свет.
На 28.09.2024 во Бања Лука - БиХ се оржа Меѓународен екипен турнир во шах на параплегичари, на три табли, а организиран од Сојузот на параплегичари на Бања Лука и нивната претседателка Милена. Истиот беше беспрекорно организиран, а турниот го прогласи за отворен надлежниот заменик министер. Мобилност Македонија и оваа година по петти пат учествуваше со своја екипа во состав: Ѓорѓевски Јанчо, Војновски Горан и Изети Зекирија. Во фер и убава атмосфера, нашата екипа го даде својот максимум што резултираше со освојување на првото место на турнирот.