НАЦИОНАЛЕН СОЈУЗ НА ЛИЦА СО ТЕЛЕСЕН ИНВАЛИДИТЕТ НА МАКЕДОНИЈА     

Mobile menu

Активности

ЧЕСТИТ 4.ДЕКЕМВРИ-ДЕН НА ЛИЦАТА СО ТЕЛЕСЕН ИНВАЛИДИТЕТ НА МАКЕДОНИЈА

Детали
Категорија: Активности
LogoПочитувани членови на Мобилност Македонија, денес се навршуваат 34 години од формирањето на Националниот сојуз на лица со телесен инвалидитет на Македонија - Мобилност Македонија.
Овој ден традиционално го одбележувавме со организирање на тркалезна маса во присуство на градоначалници и други авторитети од локалната самоуправа, домаќин на настанот, на која говоревме за потребите од поддршка на лицата со телесен инвалидитет во нивното непречено вклучување во општеството преку креирање на еднакви можности.
За жал, пандемијата од корона вирусот и рестриктивните мерки за организирање и присуство на групни настани годинава не спречија да ја продолжиме традицијата, но не не спречуваат да се сетиме на денот и да посакаме уште многу успешни преговори со институциите за подобрување на правата на лицата со телесен инвалидитет, но и кампањи за подигање на нивото на свесноста за потребите на овие лица.
Нека ни е честит денот.

ПРЕТСЕДАТЕЛОТ НА РЕПУБЛИКАТА, Н.Е. СТЕВО ПЕНДАРОВСКИ, НА ТРИБИНА СО ПРЕТСЕДАТЕЛИТЕ НА ЧЛЕНКИТЕ НА НАЦИОНАЛНИОТ СОВЕТ НА ИНВАЛИДСКИТЕ ОРГАНИЗАЦИИ НА МАКЕДОНИЈА, А ПО ПОВОД ОДБЕЛЕЖУВАЊЕТО НА 3. ДЕКЕМВРИ - МЕЃУНАРОДЕН ДЕН НА ЛИЦАТА СО ИНВАЛИДНОСТ

Детали
Категорија: Активности

president1На средбата со претставниците на Националниот совет на инвалидските организации по повод Светскиот ден на лицата со попреченост претседателот Стево Пендароски најави дека нема да потпише указ на Законот за градба доколку во него не се вградат забелешките на лицата со попреченост, а една од нив е одредбата секоја нова градба да има пристап за инвалиди.

На средбата, претставниците на Националниот совет на претседателот Пендаровски му ги укажаа проблемите и предизвиците со коишто секојдневно се соочуваат. Пред сѐ, ја посочија непристапноста на објектите, недостапноста до образованието, невработеноста на лицата со попреченост, ниските надоместоци од државата, недостиг на соодветни помагала.

Во насока на подобрување на дел од состојбите, претседателот Пендаровски искажа ветување дека нема да го потпише Указот за прогласување на Законот за градба доколку во него не се имплементирани главните сугестии на лицата со попреченост, а коишто предвидуваат новите објекти да бидат пристапни за лица со попреченост.

Повеќе...

Славеј АД - Центар за ортотика и протетика - Кампања "ОДИ СО МЕНЕ"

Детали
Категорија: Активности
kampanjaПо повод Меѓународен ден на лицата со попреченост, 
Славеј А.Д. - Центар за ортотика и протетика 
во соработка со Националниот сојуз на лица со телесен инвалидитет 
Мобилност Македонија 
а спроведено од 
Moderm
, организира заедничка ХУМАНИТАРНА кампања на тема ПРИСТАПНОСТ!
Кампањата "ОДИ СО МЕНЕ" е кампања со една и единствена цел- да се подигне свестта за адаптирање и подобрување на пристапот до сите јавни површини и објекти, за полесно секојдневно функционирање на лицата со попреченост. Оваа кампања, при која се приклучија и јавни лица го користи гласот на народот за овозможување на еднакви можности и еднаков третман за сите!
За таа цел, потготвивме предизвик, во кој учесникот треба да се обиде да се движи/ да влезе во избран јавен објект каде што пристапот не е адаптиран за лица со попреченост, но истото да го прават на некој од следните начини:
• со врзани очи
• со врзани (споени) нозе
• движејќи се на назад
Повеќе...

ЛИНК ЗА СЛЕДЕЊЕ НА ТРКАЛЕЗНА МАСА ПО ПОВОД ОДБЕЛЕЖУВАЊЕ НА 3. ДЕКЕМВРИ

Детали
Категорија: Активности

trkaleznaПочитувани членови, подолу можете да го најдете линкот за да ги следите обраќањата на Премиерот Зоран Заев, претседателот на НСИОМ, Томица Стојановски (во името на сите членки на советот, меѓу кои и Мобилност Македонија), министрите за труд и социјална политика, образование и наука и здравство, како и претставници на канцелариите на ЕУ и ООН во Македонија.

Почеток 09:00

Втора сесија почеток 10:30

https://www.youtube.com/video/aUEwGcx30n0/livestreaming

ДЕНЕС СЕ СЛАВИ (ОДБЕЛЕЖУВА) ДЕНОТ НА ДЕТЕТО

Детали
Категорија: Активности
deteЦелта на одбележувањето на Светскиот ден на детето е да се сврти вниманието на широката јавност на сите обврски кои општеството ги има кон децата, како и најважните проблеми со кои децата се соочуваат.
Мобилност Македонија се придружува кон одбележувањето на Светскиот ден на детето со апел до институциите на Република Северна Македонија да се реализираат сите наши заложби да изградиме еден подобар систем, систем без архитектонски, комуникациски, образовни и социјални бариери, систем во кој децата со инвалидност ќе уживаат еднакви можности со другите деца во секојдневието и при користење на разни услуги и потреби: здравствени, образовни, културни, спортски, забавни..., систем во кој сите деца ќе бидат социјално вклучени и третирани со еднаква љубов, внимание и еднакви можности.
Повеќе...